Rétttrúnaðar refsigleði

Rétttrúnaðurinn á að bílar séu að gera út af við líf á jörðinni er greinilega orðinn að sjúklegu hatri í garð bíleigenda og ríkri þörf til að refsa þeim fyrir að nota þessa eign sína.

Endalaust er bætt í refsinguna. Ég segi refsingu, vegna þess að þetta er ekki neyslustýring. Í neyslustýringu þarf að vera var um eitthvað annað. Það er bara ekkert annað raunverulegt val. Rafbíll segir einhver! Það eru sárafáir sem hafa aðstöðu fyrir rafbíl. En margir eru þeir sem slíkur bíll gagnast ekki nema sem aukatæki. Það er enn síður á allra færi.

Lithium rafhlöður rafbíla eru mengandi frá upphafi til … ja, hvað? enda? Engin lausn er enn á því hvað skal gera við rafhlöður að loknum notkunartíma þeirra.

Eldsneytislítrinn mun hækka

Atvinnuöryggi stjórna lífeyrissjóða

Að greiða í lífeyrissjóð er skylda samkvæmt lögum. Lágmarksstærð sveitarfélaga er bundin í lög. Lífeyrissjóðir og tilvist þeirra er byggist á skyldum launþega gagnvart bákninu. Það má kalla það vesældarlegð aðgerð ríkisstjórnarinnar að láta sér ekki detta neitt annað í hug til að styrkja afkomu sjóðanna en það að fólk fái ekki greitt úr sinni eign fyrr en þremur árum nær grafarbakkanum en nú er. Til dæmis væri hægt ef vilji og væri fyrir hendi, sem er greinilega ekki, að skoða hítina við þessa sjóði. Stjórnunarkostnaður við lífeyrissjóði hinnar örsmáu þjóðar er þúsund milljónir á mánuði. Það er ein þriggja herbergja íbúð á hverjum degi ársins.

Það er hægt að setja lög um stærð lífeyrissjóða til að lágmarka rekstrarkostnað þeirra. En, ónei. Báknið skal kjurt! Það þarf víst að tryggja afkomu kvenna og karla sem sitja í stjórnum þessara sjóða. Hin nýja ríkisstjórn er því að gefa það út, fyrir hverja sjóðirnir séu. Þeir eru ekki fyrir eigendur þeirra, þeir eru til fyrir það fólk sem er í vinnu hjá eigendum þeirra.

Takk fyrir að láta okkur vita af afstöðu ykkar, kæra ríkisstjórn.

Lífeyrisaldur hækkar í 70 ár

Flott framtak

Flott framtak hjá þessu ónefnda húsfélagi. Þessi frétt rifjar einnig upp annað, en það er áætlun um að byggja fjölbýlishús við Spöngina í Grafarvogi og ætlunin er að hafa einungis 0,75 bílastæði við það hús. Grafarvogur má teljast úthverfi og "bílahverfi". Það má því teljast undarlegt hjá borgaryfirvöldum, miðað við alla umræðu um vistvænni akstur, að skera svona niður bílastæðafjölda við þá fyrirhuguðu byggingu, og koma þannig í veg fyrir rafbílaeign ansi margra þar. - Þá er ónefnt hvar á að geyma þá bíla sem teljast umfram 0,75 á íbúð. Kannski nágrannagötur!

Leggja nýjan streng fyrir hleðslu rafbíla

Jeppi - skurðgrafa - trukkur

- Eða kannski bara fólksbíll í smærri kantinum! Þegar venjulegur fólksbíll af þessari stærð er kallaður jepplingur er það hlægilegt. Þegar hann svo er kallaður JEPPI, gefur það manni hugmynd um að skríbent mbl sé stórgrínari. Það er nefnilega ekkert jeppískt við þennan bíl. Hann kann hins vegar að vera hinn ágætasti borgarsnattari sem kemst yfir allar hraðahindranir bæjarins.

Kia Stonic bætir sér í borgarjeppaslaginn

Sveitamennska í flugheimum

Ekki veit ég hvernig hlutfall viðskiptavina Flugfégsins hafi verið varðandi tungumál þeirra. Kannski kunni meirihluti þeirra aðeins ensku, hver veit? En upp úr stendur þó að þetta er vandræðaleg sveitamennska Flugfélagsmanna að óttast það að viðskiptavinir þeir sem aðeins kunna ensku, verði strandaglópar á einhverjum óþekktum stað, nema Flugfélagið heiti upp á ensku, hallærislegu og óþjálu nafni. Alveg er þeim sama um hversu hallærislegt það er fyrir Íslendinga að fljúga til „Reykjavíkurflugvallar“ með „Air Iceland connect“. Þetta er tvítyngd setning. Að loku veltir maður því fyrir sér þeirri spurningu: Er Iceland (betur) connected? Eða er þetta bara sveitamennska?

Mímir mótmælir nafninu

Ríkið glatar 27% við innheimtu

Hættur að skilja stjórnmál - hafi ég nokkurn tíma gert það. Ríkið sem innheimtuaðili heldur eftir 27% af tekjum sem það innheimtir og ætlað er til umferðamála. Núverandi samgönguráðherra segir þó að búa þurfi til nýjar álögur á bíleigendur til að hægt sé að sinna vegabótum og viðhaldi. Lesist: svo þeir geti skilað því sem innheimt var. - Fyrir hverjar kosningar heyrist mjög gjarna í „hægribláum“ að „vinstrigrænir“ kunni ekkert annað en að búa til nýjar álögur!

Vegagerðin fékk 63% umferðargjalda

1. Apríl

Þessi fyrsta apríl frétt var næstum búin að ná mêr, haha.

 

Vilja stofna kynjavakt Alþingis

Hlustum á þá sem hafa vitið

Það væri snjallt að hlusta og taka mark á orðum þessarar mætu konu. Hún veit hvað hún segir, en óttast má að altarisgenglar mammons og þjónar þeirra, hafi vísdómsorð að engu. Allt samfélagstjón hefur hingað til verið talið eðlilegur fórnarkostnaður við að stýra álagningarhagnaði á valda staði.

Ræfildómur að reyna ekki að halda landinu hreinu

Gefum ekki þjórfé

„Eig­andi veit­ingastaðar­ins, Tommy Tell­ez, seg­ir í sam­tali við BBC að viðbrögðin hafi verið ein­stök.“ Það hefði verið ánægjulegra að sjá þennan veitingahússeiganda tjá BBC að hann ætlaði að borga þessum þjóni laun. Það er fáránlegt að viðskiptavinir veitingahúsa þurfi beint, að sjá um að starfsfólk við eina tegund starfa á veitingahúsum sé háð gjafmildi viðskiptavina. Þetta er gamaldags og ídjótískt. - Hvað með kokkana, hreingerningafólkið o.s.frv?

„Gefum ekki svörtum þjórfé“

Baráttan um aðstöðutekjurnar

Framlag bæjarstjóra Garðabæjar sýnir held ég líka hvað hangir á spítunni umfram hvað er heppilegt og hagkvæmt; nefnilega það að öll sveitarfélög væru eflaust til í að fá svona feitan bita til sín. Staðsetning slíkrar stóriðju sem landspítali er, hlýtur að gefa í kassann. Þess vegna held ég að borgarstjórn Reykjavíkur megi ekki til þess hugsa að fá alvöru umræðu um þetta. - Vífilsstaðir er fínn staður - fyrir íbúðabyggð. Höfuðborgarmiðjan er við Elliðaárvog. Við fullbyggt Vogahverfi, fullbyggt Bryggjuhverfið við Elliðaárvog, fullbyggt Úlfarsárhverfi, verður höfuðborgarmiðjan komin enn austar. Þess vegna eru flatirnar upp af- og austur af Bauhaus, vestan við Úlfarsfell mjög ákjósanlegur staður. Gott byggingarland að auki.

Breyta þarf ákvörðuninni