Til margra ára og áratuga hafa samgöngur verið hugsaðar út frá því hversu margir áttu lögheimili við hinn enda þessa eða hins vegarins.
Nú er t.d. mikið fiskeldi á Vestfjörðum sem skapa a.m.k. 3% af þjóðartekjum Íslendinga.

Þingheimur allur vill ekki fyrir nokkurn mun missa ferðaiðnaðinn, þá tekjulind. Þar eru Vestfirðir taldir eiga mikið inni og því fjárkista. Hins vegar eru enn sumir vegir þar búnir til úr mold að miklu leiti og því illnothæfir, hvort sem er fyrir íbúa (sem reyndar virðast ekki tækir sem gildi!), eða fyrir gjaldeyrisöflunarfyrirtækin, fiskeldið og ferðamennskuna né aðra þjónustu og mannlíf íbúa á því svæði.
- Hvernig hljómar hugmynd um lúxushótel með ekkert anddyri (sem sleppt var til "sparnaðar") og gestum því gert að skríða inn um klósettgluggann.
Vestfirðir eru svoleiðis lúxushótel. 

	Leggur til lausn við samgönguvandanum
Ábyrgðarmaður færslu Tilkynna um óviðeigandi tengingu við frétt

Vissulega er Reykjavík á Íslandi en Ísland er ekki allt í Reykjavík. Er ekki túristinn bara að horfa í það að Ísland hafi svo margt að bjóða annað en Rvk? Og er það ekki bara gott? Það er stundum talað um að landið allt sé auðlind, og því ber að fagna fremur en harma að auðlindin sé öll nýtt. Ferðamenn aka út á mörkina, auðlindina, Íslandið, þrátt fyrir lélega vegi víða. Um 70% ferðamanna sem koma til landsins taka sér bílaleigubíl til þess að heimsækja Ísland, ekki bara Rvk. Svo hættum skæli og fögnum breyttum aðstæðum. Virkjum vegi landsins og bætum þá, öllum landsmönnum og gestum til ánægjuauka. Ferðaþjónustan mun þá dafna sem aldrei fyrr.

	Ferðamenn forðast Reykjavík
Ábyrgðarmaður færslu Tilkynna um óviðeigandi tengingu við frétt

48 daga kerfið var það nefnt. 12 dagar á mánuði í fjóra mánuði, maí - ágúst. 774 kg af óslægðu í hverri veiðiferð.

Ef það vantar 50 kg upp á "skammtinn" einn daginn, er það að útgerðinni að eilífu tapað. Ef hins vegar er farið 50 kg yfir skammtinn næsta dag, hirðir Fiskistofa það. Ólögmætur sjávarafli er það víst kallað. Þessir tilteknu tveir dagar jafnast þó út sem leyfilegur skammtur stærðfræðilega séð. Hins vegar er refsigleði Fiskistofu, hinnar sjálfstæðu ríkisstofnunar, lítil mörk sett.

Óskað hefur verið eftir skynsamlegri jöfnunarreglu varðandi þetta, þannig að einhverja daga yfir verði jafnað út í næstu túrum. Nei, segir yfirvaldið. Strandveiðinni skal vera gerður eins fráhrindandi umgjörð sem hugsast getur. Krókaveiðar, þar með taldar s.k. strandveiðar teljast þó þær umhverfisvænstu við Íslandsstrendur.

Það má svo sannarlega velta fyrir sér því hreyfiafli sem veldur þessari andstyggð á umhverfisvænsta fiskveiðflota Íslands. Í opinberri umræðu tala þó íslensk yfirvöld mikið um umhverismál af ýmsum toga.

Ástæður fyrir því að sjómenn í strandveiðinni eru undir eða yfir skammtinum eru eflaust margar, en nefna má að minnsta kosti sex stærðarflokka sem margir reyna að glíma við. Menn geta þá verið flokka um borð í allmörg ílát og því erfitt að vigta aflann með augunum. Þetta er þó auðveldara þar sem menn búa við fiskmarkað sem hefur stærðarflokkara. Þá þarf ekki að stærðarflokka um borð því tiltölulega auðvelt að læra á fiskikörin um borð til sjónvigtunar.

Leyfilegur vikuafli; fjórir túrar x 774 kg af óslægðu er 3096 kg. Ef tvo daga væru veidd 800 kg í túr, en hina tvo 748 kg í túr, væri vikuaflinn einnig 3096 kg eins og í fyrra dæminu. Þannig er augljóst að engu skiptir upp á heildarmagnið að þessi sveigjanleiki sé fyrir hendi.

Það blasir því við öllum að andstyggð yfirvalda á umhverfisvænsta veiðiflokknum nær svo langt út fyrir skynsemismörk að furðu sætir. Margir spyrja sig auðvitað hvort þetta sé heimalöguð refsigleði í húsakynnum Fiskistofu eða hvort ordrur komi annarsstaðar frá.

	Strandveiðibátarnir greiða langmest
Ábyrgðarmaður færslu Tilkynna um óviðeigandi tengingu við frétt

Þetta hefur eflaust eitthvað að segja fyrir loðnuvinnslur, en mögulega búbót ef aðalfæða þorsksins finnst ekki til veiða. Þorskurinn er líklega naskari í að finna fæðið sem gefur honum mestan vöxt. Loðnuna.

	„Þetta er áfall fyrir okkur“
Ábyrgðarmaður færslu Tilkynna um óviðeigandi tengingu við frétt

Það er með ólíkindum að sjá að enn eigi að styrkja Stykkishólm með því að ríkið haldi uppi rándýrri atvinnubótavinnu í Stykkishólmi sem felst í því að halda uppi „samgöngum“ við Vestfirði. Kannski voru Vestfirðir einhverntíma eyja, en er það vissulega ekki í dag. Þetta atvinnubótastúss ríkisins við Hólmara er algerlega galið. Þetta er gert á sama tíma og ríkið frestar þverun Gufufjarðar og Djúpafjarðar sem myndu stórbæta samgöngur við Vestfirði. Samgöngur á landi, alla daga, allan sólarhringinn. Kannski var frestunin til þess að styðja við atvinnubótavinnu ríkisins/Vegagerðarinnar í Stykkishólmi. Kannski telur ríkið/Vegagerðin Stykkishólm svo aumt byggðarlag að það sé réttlætanlegt að aftra þróun í samgöngum við Vestfirði með gamaldags ríkis-ferjurekstri, sem er svo tekið úr vasa „Vegagerðarinnar“! Hvað þýðir annars orðið VEGAGERÐ?

	Sæferðir segja upp öllu starfsfólki
Ábyrgðarmaður færslu Tilkynna um óviðeigandi tengingu við frétt