Er þetta réttmæt orðræða?

Heiðrún segir strandveiðar „í eðli sínu kapp­hlaup þeirra sem veiða um tak­markað magn af fiski." Þetta er hreint ekki rétt hjá henni. 12 sinnum í mánuði má sækja 774 kg af óslægðum fiski, ekkert kapp þar. Hins vegar; þegar fyrirhugað er að stoppað skuli um ca miðjan mánuð - þá hefst kapp síðustu dagana. Og svo annað: "fisk­vinnsl­ur hafa þurft að mæta þess­um niður­skurði [í úthlutunum til veiða]". Hengir það við strandveiði rétt eins og vinnslur geti ekki unnið strandveiðfisk. Heiðrún veit fullvel að afli strandveiða fer svo gott sem nýveiddur á markað, þar sem ÖLLUM er frjálst að kaupa í sínar vinnslur og er enginn hörgull á kaupendum, sem svo auka við þessi verðmæti. Þeir sem horfa til framtíðar, þ.m.t. talsmenn SFS, ættu kannski að eiga orðastað við sjávarlíffræðinga og vísindamenn með þekkingu á lífríki hafsins, hvort við Íslendingar ættum ekki öðru fremur, að nytja hafið með eins skaðlitlum verkfærum og mögulegt er. Hvort það geti mögulega styrkt og eflt auðlindina til lengri tíma, í stað þess að sífra yfir því að sjálstæðir einstaklingar, á umhverfisvænsta veiðiflotanum fái að taka þátt. 

Rétt að gjalda varhug við strandveiðum